موقع سبورت 360- دخلت رانيا علواني عضوة مجلس إدارة النادي الأهلي في نقاش حاد مع عدد كبير من المشجعين عبر موقع التواصل الاجتماعي “تويتر”، بشأن إدارة ملف الكرة بالنادي و اختيار المدير الفني الجديد.
كتبت رانيا عبر حسابها : حد تاني واخد باله ان رياضتنا و ابطالنا السنة دي زي الفل في كل اللعبات ، الا الكورة؟؟؟؟؟ هما دول اللي يستأهلوا بجد.
فكتب صاحب حساب ميزو الأهلي ردا عليها: لا احنا واخدين بالنا من الفشل المستمر في الاختيار جوه النادي من يوم ماالمجلس مسك وكنتوا معشمنا ان النادي في طريقه للاصلاح واعاده مكانته وفي الاخر طلعنا بنغرق اكتر ماكنا.
و ردت العضوة: هو حضرتك ما خدتش الدوري، فكتب ميزو الأهلي من جديد: لا حضرتى طلعت بفضيحه من صن داونز وخسرت من بيراميدز الكاس ولو المقياس الدوري مامجلس الاستاد طاهر كسبه يبقي وقفنا ضددهم ليه وكنا عاوزينكم.
فأجابت رانيا علواني: طب تعالي مرن انت يمكن تكون انت الفرج.
وكتبت في تغريدة ثانية: هو ده الجهل بعينه !!!!!لما تتكلم علي لعبات مصر اللي كسبانة و اللهيبة اللي في الألعاب كلها اللي شرفونا من كل الأندية مش الاهلي بس و باقول لازم نشجعهم. يقوم كام واحد متكلمين برده عّم الكورة و المدرب، و الفشل ! حاجة غريبة بجد !
و رد صاحب حساب: بلاش تزيدي الطين بلا..افصلي النت وركزي في شغلك وعلي فكرة كثرة ردودك دي لأنك انتي ومجلس الإدارة مش واثقين في اختياركم لو واثقين كان ابسط تغريدة ليكي او الرد هو الرد في الملعب ..ربنا يستر لأن المدرب ده لو فشل هياخدكم في وشه.
قبل أن تجيب: اما ما عنديش حاجة اخاف منها .و مجلس الادارة ما اختارش حد و لا المرة دي و لا اللي قبلها. و أظن الكابتن واضح جدا في الاعلام ان هو مجدد اختصاص جهاز الكرة كويس . فا اما مش هاسمح لحد يقول كلام مالوش أساس من الصحة. انا كتبت تويتة بأشجع ابطال مصر في كل اللعبات بس.
وتابعت: احنا ما اختارناش، اللي اختار لجنة كلكم عارفينها، حاسبوها هيا علي اللي فات و اللي جاي.
قناة سبورت 360عربية على يوتيوب