وجه محمود وحيد لاعب مصر المقاصة المنتقل حديثا إلى النادي الأهلي، رسالة إلى مدربه السابق في المقاصة إيهاب جلال.
جلال الذي قاد المقاصة لفترة طويلة، تولى تدريب الزمالك أيضا في يناير الماضي لكنه رحل عن الفريق بعد سلسلة من النتائج غير المقنعة، وكان هو المدرب صاحب الفضل على المقاصة في ظهور جيل مميز يضم حسين الشحات ومحمود وحيد وأحمد الشيخ وغيرهم من اللاعبين.
وقال وحيد عبر حسابه على “انستجرام”: “الأب الروحي الكابتن إيهاب جلال اللي ليه فضل كبير عليا بعد ربنا أن ألعب كورة تاني وأوصل للي أنا فيه حاليا”.
وتابع: “أحب أوجه كل الشكر للكابتن إيهاب جلال علمني حاجات كتير جدا واتعلمت منه حاجات كتير جدا جوه كورة وبره الكورة”.
وواصل لاعب الأهلي الجديد: “والكابتن حمد إبراهيم اللي بحبه جدا، وتعب معايا جدا في فترة الكابتن إيهاب جلال”.
وأضاف وحيد: “اشكركم جدا لأن انتم سبب رئيسي أن أنا ابقى موجود في النادي، من الشخصيات المحترمة والقليلة جدا في المجال ده.. تعبتكم معايا من أول يوم دخلت في النادي يعني 4 سنين ومش عايز أنسى حد لأن في ناس كتير جدا حابب أشكركم وإن شاء الله في أول لقاء ليا هتكلم على كل واحد وقف جنبي من النادي الإسماعيلي وكلهم ناس محترمة زي الكابتن سونة والكابتن رضا صديق والكابتن سمير والكابتن أيمن خليل والكابتن وليد المهدي والكابتن أين الجمل والكابتن أحمد قناوي والكابتن أميرو الله يرحمه وبرضه مش عايز أنسى حد كل الشكر لكم جميعا”.
قناة سبورت 360عربية على يوتيوب