سبورت 360 – أعرب أحمد حسن كوكا مهاجم كونيا سبور التركي، عن غضبه الشديد من هجوم أحمد حسام ميدو نجم الزمالك السابق عليه.

بدأت المشادة بين ميدو وكوكا عندما رد الأول على أحد المغردين واصفاً الثاني بأنه مهاجم متواضع ولا يصلح للعب على المستوى الدولي حتى ولو أحرز 1000 هدف مع الأندية.

كوكا لـ ميدو: الحقد عالي عندك من زمان

وتدخل كوكا للرد على ميدو بعد وصفه بالمتواصع حيث كتب: “مهاجم متواضع؟ أولاً هو أنت أصلا مين طلب رأيك؟ ثانيا أنت مبطل كورة وأنت عندك 29 سنه وكل الناس عارفه ليه”.

وتابع: “ثالثاً لو رقم الأهداف اللي مسجله قليل ماجبتوش أنت ليه مع أن اللي بيلعب في نادي أكبر فرصه بتكون أكتر في التسجيل، رابعاً حاولت تبقي مدرب ومبتكملش شهر في أي نادي”.

وأكمل: “خامساً بتحاول تبقي إعلامي وتتكلم عن ده وده عشان تبقي تريند بأي شكل، أي حاجه عايز تدخل فيها، ده حتي صلاح في أول مشواره كنت بتتكلم عليه وحش، الحقد عالي أوي عندك من زمان وأنت بتتكلم وحش عني”.

وأضاف: “أنا عارف أن أكبر غلط إني أرد عليك وأنت فاضي وعندك برنامج تتكلم فيه كل يوم بس أنا برده مش هيهدني كلامك وهفضل في طريقي، مركز في مستقبلي ومش عايز حاجه من الناس بعد مبطل كورة وبعد لما أموت غير السيرة الحلوة”.

جدير بالذكر أن كارلوس كيروش مدرب منتخب مصر قد استبعد أحمد حسن كوكا من القائمة النهائية التي ستخوض منافسات بطولة كأس الأمم الأفريقية في الكاميرون.